قصص الحوا المغربية , حكايه حب واقعية باللهجه المغربي حزينة للمراهقين

واحد النهار المؤسسة الى كايقراو هما بها نظمت عرض ديال التقاليد الصحراويه و عطاو

بطاقات الدعاوى الاساتده و طلبوا منهم يعطيو هاد البطاقات للتلاميد الي بغاو يجيو،
كانت

حصه الاسلاميات فآخر الحصه عيط الاستاد على نرجس و ناديه و ندي و اسماء حيت عرفهوم

صحابات و ديما مجموعين بربعه عطاهوم البطاقات و شكروه،
كان العرض سيقدم نهار السبت

فالعشيه مع ديك 4h00


انتهت الدراسه و رجعات نرجس للدار و لقات اختها ايمان و ما ماها مبتهجين

الام: ايوي خاصنا نسولو عليه و اش مزيان هو و عائلتو


ايمان: ان شاء الله،
اجى بعدا ياك خالتي عيشه كاتعرفو؟


الام: ما عرفتش تاتجى و نساولوها،
المهم الى كان فالرزق مرحبا بيه


نرجس بحيرة و ما فهمات و الو: ما ما علامن كاتهدرو؟


الام: ههة على زواجك


ايمان: هههههههه


نرجس: و صافي قولو شكون هادا الي كاتهدرو عليه؟


الام: هادو الخطاب غادى يجيو يخطبو ايمان ،

والشاب الي غايخطب كايعرف خوك الكبير

شريف و تاصل بيع و قالهاليه


نرجس: آآآة عاد فهمت،
ثم اضافت نرجس بسخرية: هاى هاى على ايمان و الخطاااب

هههههه


ايمان: ناضت و ما داتهاش فكلامها،
ولكن نرجس و اخا هاكاك تبعاتها و سولاتها و اش

عمرها شافتو جاوباتها ايمان ب آه،
كان كايقرا فنفس المعهد الي كانت كاتقرا فيه

ايمان و باركاتليها نرجس.

نرجس كيف العاده راكم عارفين شغادير………..الماسنجر بالطبع.


حلات المسن ديالها و لقات الحبيب الطيب حال


نرجس: واحد السلام


انس: و عليكم


نرجس: ايوا لباس؟؟


انس: كيف العاده بخير


نرجس:الحمد لله،
عطاك الاستاد ديالك بطاقة الدعوه ديال نهار السبت؟


انس: لا،
مابغيتش نشدها و نتى خديتيها؟


نرجس: آة خديتها و كان غير شديتها تانتا و نجيو بجوج


انس: دابا فات الاوان


نرجس/ لا ما فات و الو اصلا انا جبت و حده و بابا تاهوا جاب و حد من الادارة،
نهار السبت

نطلاقاو و نعتيك الدعو الاخرى و ندخلو wakha??


انس: ههة آة صافي

اليوم السبت و بالضبط الساعة 4h00 نرجس لبسات حوايجها و كانو حتي ناديه و ندى

واسماء غايجيو


خرجات من الدار متجهه للاعدادية

وهي غاديا للاعداديه شافت انس،
سلمات عليه و عطاتو البطاقة دخلنا للاعداديه و كانو

حاطين الطاولات تحت واحد السقيفه و العرض كان فالساحه قدام الطاولات كان منظر

زوين صحراوى و تقليدى دايرين خيمه و بها الحاجيات الصحراوية(الجيرة:هى الي كايشربو

منها كايكونو دايرين بها الحليب مختلط مع دانون و السكر°°°°°°كدلك الشكوة: و هي اللي

كايخلطو بها اللبن و كايمخطوة بها و الي كايسميوها باللغه العربية القربه و كدلك المزيد

من الحاجات الرائعة التقليدية

المهم مشيت انا و انس جلسنا فالطاوله الثالثة كانت جالسه قدامنا فاطمه الزهراء هي

بنت عينيها خضرين و غليظه شويه فالافخاد و قصيرة شعرها اسود و كايبان جاف كانت

جالسه مع فتاة ثانية و دارت لعندي و ابتسمات ابتسامه بيضاء ما عجباتنيش،
ماعليناش

بقينا جالسين و شويه و هو يجى النشاط بالطبع النشاط هو ندي و ناديه و اسماء جاو جلسو

حدايا و هوا ينوض انس مشا جلس عند واحد صاحبو بقينا حنا كانتجمعو و كانضحكو و تفرجنا

فى العرض و كان مع 5h00 عندنا مراجعه ديال الرياضيات وصل الوقت ديالها و ناضنا و مشينا

بديت كانشوف بانس ساعا ما كانش كايشوف فيا باش نقولية رانى غانمشي،
ماشي

مشكل مشيت مع البنات للمراجعه دوزنا الحصه و مين كنا خارجين كانت الساعة 6h00

بقيت انا غاديا مع ناديه و اسماء اما ندي مشات مع جوج فتيات كاتعرفهوم سميتهوم ايمان

وامال،
اتفقت انا و ناديه و اسماء ندخلو للاعداديه و نكملو لفراجه ههة دخلنا بلا ما نقولوها

لندي و الاخريات


خفافت الدنيا شويه و مشينا جلسنا،
ماكانش انس كاين ممكن مشا بحالو ،
ماشى مشكل

نادية: صديقك مشا عليك


نرجس: آة مشا و اخا هاكاك نبقاو شويا


اسماء:البنات شوفو شكون داخل من باب ديال العدادية


نرجس بردولها يديها عاوتانى و قلبها بدا كايدق و فنفس الوقت جاتها الفرحه حيت شافتو

عاوتانى شافت انس عاوتاني.


نادية: اسماء سيرى عندو و قوليلية يجى لنرجس راة ما شي تصاحيبا هادى يلاة سيري


نرجس: لالالالالالالالالالالالالالالالالالالا نارى و تمشي ا اسماء انقتلك


اسماء: و علالاه،
راة لابودا خاصو يجى بزاااااااف على هادشيي


نرجس: راة الى بغانى يجى عنديييييييي


بينما نرجس كاتهدر مع اسماء و كاتمنعها تمشي تعياط لاناس و ناديه نقزات و مشات كاتجري

حسيت بيها و طرت لعندها شديتها و للاسف لقيت الثانية اسماء طارت بلا ما نشوفها عايطاتليه

ههههههههة لعب درارى صغيرة ياك


عايطولية و جا عند نرجس و هما مشاو غبرو ما بقيتش شفتهووم بقيت جالسه معاه

نرجس ملقات ما تقوليه: نعستي؟؟


انس: آة عاد فقت(جابتها هي هاديك هههه)


نرجس: ايوا اش كاتعاود؟


انس: و الو هاد الساعة……………………كيفما العاده الحديت جاى و راجع و لكن و اخا

هاكاكمازال

ماولفو بعضياتهوم مزياان

بعد ثوانى جات ندي و الاخريات ناقزو على نرجس و قالوليها: نتى هنااااااااااااااا


نرجس بوجة احمر:ههة نارى حصلت،
باش عرفتونى دخلت للاعدادية؟؟


ندى: راة مشات ايمان و امال لدار ديالك و سولات عليك تما


نرجس:شنووووووو؟؟
اويلى لاش مشيتو’’
غادى تقول ما ما ما مشيتش للمراجعة

اويلي

اوعدى هادشى باش كاتنفعوني


ندى: سمحيلنا راة الخطأ ديالك و سمحيلنا ضيعنا عليك الجلسه هههههه


نرجس: الله يمسخكوم و اجى بعدا شكون فتاحليكم الباب؟؟؟


نقزات ايمان و قالت: خوك الصغيير توفيق و راة كانو عندكوم ضياف


بعدما ارتفع ديال نرجس بسماع الخبر انهم مشاو لدارها و دقو انخفض منين سمعات

ان توفيق هو الي فتح الباب و راة كاينين الضياف الي غايلهيوهوم باش يساولوا توفيق

شكون ضق فالباب.

فى المساء فدار نرجس مع ديك 9h00 منين مشاو الضياف حلات الماسنجر ديالها

للاسف ما كانش الحبيب ديالها حال،
وكذلك تاحد من المعارف الي كاتعرف ما كان حال،

فكرات تحل الماسنجر ديال انس حيت كان عطاها و اح النهار الكود ديالو و هي ايضا

عطاتو الكود ديالها.


طلوا على نرجس دابا راها منهمره بالابكااااء و باغيا تنتف راسها و اش ما عرفتوش

علاششش؟؟؟


لقات ميسااج فla boite de reception ديال المسن و عرفتو بعداااااا منيين

ماغاديش تيقوو شكووون

بدات نرجس كاتصرفق فراسها و هي ما متيقاش اش كاتقرا

firdaws_……….********..fr: سلام حبى لباس عليك؟؟؟تسنيتك و ما حليتيش

،المهم الي بغيت نقوليك راة مكارتاحش مين كانشوفك مع نرجس و خصوصا مين

شفتكوم هاد العشيه ديال السبت كرهت نفسي المهم كانبغيييك بزااااف و مووووت


نرجس الي كرهات مولات هاد الميساج و الي هي فاطمه الزهراء الي كانت جالسة

فى الطاولات قدامها عشيه السبت،
كانضن راكوم عقلتو علييها؟؟؟؟


نرجس:اوييييليييى و اش انا بعقلى و لا كانحلمم؟
اش هادشى كايوقعليييي؟
واش

تا فاطمه الزهراء مصاحبه مع انس؟؟؟

اشهادشيي،
واعباد الله شكون انا و منين انا و مره ثانية كايصرخ قلبها الهش

وكايتجرح جرح آخر غير الجرح ديال هاجر


سدات الماسنجر ديال انس،
وتسناتو يحل عمدا


بعد ساعة،

انس: saluut


نرجس:سلام الزين لباس عليك؟
قالت نرجس هاد الجمله و هي باغيا طحنو بين

سنانها


انس:ههههة نتى الي زين ما شي انا


نرجس:ok


انس:مالك؟بنتيلى ما شي تالتما


نرجس نفاجرااااات و قالتليه:بغيتى تعرف ما ليييييي،
واخا اسيدي،
حليت

الماسنجر ديالك و لقيت ميساج من فاطمة،
وبالطبع غاتعرف شنو كاين فداك

الميساااج اولا؟؟


انس بكل برود:شوفى نرجس،
أة انا مصاحب معاها سرا،
ولكن راة هيا

اللى جات عندي و قلتليا تصاحب معايا و مع نيت هي مها ما يته بقات فيا

وكاتبدا تقول ليا ما كانحملش هاد الدنيا


نرجس بسخرية.
ههههههههههههة شفقتى علييها؟؟؟؟بقات فيك؟؟

بغيتى دير حسنة؟؟؟فراسك انا كرهتينى فبناادم


انس:نرجس انا راة قلتلييك ما نستحقكش ما يمكنش شي نهار نكون به و فيا

معاااك،
نتى خاصك درى الي يهتم بييك و يقدرك،
اما انا خلينى نمشي للبنات

اللى باغيين يتفلالالالالالالاو اما نتى تصلاحى للزواج ما شي للتصاحييب لانك

كاتحافدى على الانسان الى كاتعاملى معااه


نرجس:سؤال واحد غاتجاوبنى عليه و غاتمشي


انس…..وي


نرجس:كاتبغينى و لالا؟؟


كان لنرجس صدمتاان ديال فاطمه و هاجر و دابا غاتشوف و اش كاينه صدمه ثالثة؟؟

انس:ماعرفتش.

نرجس…مالك ما تعترف و تقول ما كانبغييييييييييكش و تلقات بكيه كتر من البكاء المااضي


انس….مانقولش حيت ما عرفتش و اش كانبغيك و لالا و الله انا ما عارفش راسي فهميني


نرجس….راة نتا الي خاسك تفهمني،
صاف انس ما تعرفنى ما نعرفك نساااا سميت

نرجس نساهااااا


انس….سمحيلياا بزااف و الله سمحيليااااا


نرجس…عامرى ما غانسامح لواحد دارليا هاد الشوهه عامريييي


انس…..نرجس بلييييييز سمحيلياا عفاك انا غانتفارق معاك و لكن سمحيليا بعدا


نرجس…..سير لعند فاطمه و هاجر هما الي غايسلاحوليك اما انا ما شي من

نوع ديالك أ….


انس……غير كمليها الى بغيتي


نرجس….ماتسمحش ليا شخصيتى نكملها حيت انا ما شي من نوع الي كاتعرف

وبااااى هاد الساعة


سدات الماسنجر،
وحسات ان قلبها غاينفجر


مشات تكاات نعسات،
دازت خمسه ايام نرجس ما حلاتش بها الماسنجر كانت

كاتشوف انس فالاعداديه و يلا داز من حداها كاتحس ان الكراهيه و الغدر هو اللي

داز من حداها،
دازت هاد الخمسه ايام هادئه عند نرجس و لكن ما نساوش راة كاينة

العائلة الي تلفات نرجس و نساتها فدوك الاحداث نرجس كانت جد جد مرحه هاد

الايام الى دازو هي براسها ما عرفاتش فينما تخاصم مع انس كاترتاح و كترجع مسرورة

والعكس.
فى يوم كانت الساعة 12h00 ديال النهار كانوا خارجين من الاعداديه جات

عندها واحد البنت سميتها حوريه عينيها عسليين و كباار تبارك الله عاديه فالطول

ديالها و حتي فالغلد شعرها بنى و كان طويل و كانت كاتكريبية كادير ندادر ديال الشوف

ولكن متبعين الموضة

حورية:ناااااارجيييييييييييس


نرجس تلفتات للوراء و لقات حوريه كاتشير ليها باش تمشي عندها


نرجس:سلام شنو بغيتي


حورية:سولنى انس و قاليا سيرى قولى لنرجس علاش ما بقاتش كاتحل الماسنجر


نرجس:حيت هاكاك


حورية….دابا شغانقوليه


نرجس …ماتقوليلية و الو قوليلية ما جاوباتنيش


حورية….ايوا راة قاليا مين تسوليها قوليلها تحلوا اليوم مع 1h00 ديال الظهر


نرجس..صاف بسلامة


حورية… بااي


مشات نرجس للدار و تغدات و صلات الظهر و حلات الماسنجر لقاتو جالس راقد

كايتسناها تحل(وكيفما كاتعرفو هما كايتسناو بعضياتهوم غير فالماسنجر

وكايهدرو غير به ما عندهومش مباشره هه)

بقات نرجس حلا شي دقيقه و ما هدراتوش


انس:ايوا ما قاداش تقولى السلام


نرجس: و اة السلام اودابا؟؟


انس….واخا صاف لباس؟؟


نرجس….اية الحمد لله كوووووووول


انس…..علاش ما حليتيش هاد الخمسه ايام؟


نرجس…هكاك علاه؟
كاين شي مشكل؟


انس…..لالا نتى حره فراسك،
غير اوكان بغيت نقوليك شي هدرة


نرجس…بحالاش؟


انس……العشيه غاتعرفى بحالاش،
وبغيت نقوليك راك عزيزه عليا


نرجس …ok by 3ndi chi chghol

نرجس ما زالا كاتبغيية و اخا و قعليها هادشي،
نرجس فتاة لحاجة الى جاتها

كاتبغى تبقا عندها و تحافظ عليها و ما تخسرهاش و هاد الحاجة هي انس

ونرجس مصممه باش انس يبغيها واحد النهار من قلبو و يتعلق فيها و ان شاء

الله ما كرهناش يوقع هادشى لنرجس لانها فتاة حنونه و تستحق اي شيء

جات العشية،
وحلات الماسنجر ديالها،
كانوا العقروشات تاهما حالين ديالهم

وكانقصد فاطمه و هاجر و حتي انس كان حال.

نرجس:سلام


انس: نرجس قولى لهاجر تهدر معايا حيت راها مبلوكياني


نرجس:ههههة شنو؟
كاتقول هاد الطلب بوجهك حمر؟؟؟


انس:نرجس انا ما كالعبش قوليليها تهدر معايا بغيت نفضى معاها شي حاجة


سمعات نرجس جملة00نفضى معاها شي حاجة00 و مشات كاطيير تقولهاليها

راكم فهمتو الجمله تانتوما اولا؟هههه


بقا انس شي 10 دقائق

انس:نرجس داوزيليا تا فاطمه الزهراء راها منفخه و ما كاتردش قوليليها تهدر تاهيا

عندي معاها حسااب

نرجس طاحت ليها فكرة ان انس غايسالى معاهوم و يبقي معاها صافي،
وهي

طيير لماسنجر فاطمه و قالتهاليها


بقي انس نفس الوقت و هو كايهدر معاها 10 دقيقة كدلك


نرجس كاتسناة يجاوب

انس:سمحيلي

نرجس:لا ما كاين مشكل(لبنت حسابلها قاليها سمحيلى حيت تعطلت

ساعا هوا بغا يقول……..)

انس:لا بغيت نقول جات نوبتك

نرجس بفزع:كفاش جات نوبتي؟؟؟

انس….نرجس نتى فتاة اقوى من جميلة و راك عارفه هادشى راة دايما كانشكر

فيك و نتى حسن من هاجر و فاطمه هما مجرد دميتين اما نتى فتاة بعقلك

نرجس…ودمعه هابطه بهدوء(كيما كاتعرفو نرجس عيياات ما تهبط فالدموع و بهاد

لفقايس شي نهار غايتسالاوليها) علاش كاتقول هاكا اشكاين ا انس؟

انس…انا قررت نبقا بوحدى ما نديها فتاحد و ما نديها فتاقمقوم،
ماغانبقا كاع نرتبط بشي

بنت و عرفى رانى هدرت دابا معاك بآداب حيت عارفك فتاة مزيانه أما هاجر و فاطمة

راة عايرتهوم

نرجس…انس راة و اخا هادشى الي درتيليا رانى كانبغييك و الله

انس…..نرجس راة و الله انقوليك الصراحه من شحااال هادى ما كنتش كانبغيك نييت

ولكن دابا رجعت كانحس بشى حاجا اتجاهك و الله

نرجس….ويلا كان هاكا لاش باغى تقارق معايا و تبقي بوحدك(البنت شتها استسلمت

عاوتانى و رغم الصدمتين ما زالا كاتبغى انس و بكل صدق بالتاكيد هادا هو الحب و اللي

كاتمناة نرجس هو انس يبادلها نفس الشعور و لكن دايرا فعقلها ما تسالى حتي يصبح ليها)

انس….نرجس شتى نتى و اعرره و الله و انا قررت نبقا معاك نتي


نرجس…كانبغيك بزاف

اش كاتشوفو ديرو تزغريده لرجووعهم لبعضهوم


اويلى نتوما درتوها بصااح ما تنساوش راة الجروح الي فقلب نرجس

مازال ما براو غير كاتحاول تنساهم و لكن كاتحس بألمهم فكل دقيقه كادوز